А. С. Пушкин аттыг Национал ном саңының Профэвилел Чөвүлели чылдың-на чаңчыл болган Ниити Россия чергелиг библиотекалар хүнү-биле мугур хар харлаан оюн эрттирип турар кежигүннеринге изиг байырны чедирген.
Бо 2020 чылда Профэвилел Чөвүлелиниң мугур хар харлаан кежигүннериниң саны, өске чылдарга бодаарга, хөй болган. Оларның аразында кымнарны чок дээр: шилип алган мергижилинге сеткилиниң ханызындан бердинген үр үеде ажылдаан хоочуннар, ном саң ажылының сайзыраарынга улуг үлүг-хуузун киирип чоруур тускай эртемниг библиотекарьлар, хоочун ажылдакчыларывыстың соон салгап, изин истеп, коллективтиң адын делгередип, эп-найыралын бадыткап, массалыг хемчеглерге идепкейлиг киржип турар, бурунгаар көрүштүг аныяктар.
Хүндүлүг коллегалар! Ниити Россия чергелиг библиотекалар хүнү-биле каң дег быжыг кадыкшылды, аас-кежикти, ак орукту, бедик сүлдени, ажыл-ижиңерге олча-кежиктиг тывыштарны, чогаадыкчы чечен-мерген ажыдыышкыннарны күзедивис!
