Тыва
Республиканың А. С. Пушкин аттыг национал ном саңының чурт-шинчилел чогаалының килдизиниң
ажылдакчылары март 13-те Тыва АССР-ниң культуразының алдарлыг ажылдакчызы,
драматург, режиссёр Клара Чамыяңовна Сагдының 90 харлаан юбилейин таварыштыр
хемчегни Кызылдың хоочуннар болгаш инвалидтер бажыңынга эрттиргеннер.
Хемчегге К. Ч.
Сагдының кыска намдарын, кылып чораан ажылдарын, бижип чораан шиилериниң
дугайында Ч. Монгуш база хоочуннар бажыңының библиотеказының ажылдакчызы Л.
Донгак таныштырганнар. Чогаалчының «Кыстың оруу» деп шиизинден үзүндүнү база
номчааннар.
Клара
Чамыяновна бодунуң дугайында солун сактыышкыннарны хоочуннарга чугаалап берген.
Тɵнчүзүнде улуг ɵгбевиске байыр чедирип, ам-даа бистиң аравыска чоруурун база
быжыг кадыкшылды күзеп, Ч. Монгуш боодал чечектерни сунган. Ужуражылганы хоочуннар
улуг сонуургал-биле дыңнавышаан, сонуургаан
айтырыгларын чогаалчыдан салганнар.
