Тыва
Республиканыӊ А. С. Пушкин аттыг ном саӊыныӊ национал болгаш чурт-шинчилел
килдизиниӊ ажылдакчылары февраль 24-те 14 шакта Тываныӊ В. Ш. Көк-оол аттыг хөгжүм-шии
театрынга «Шагаа-биле! Курай! Курай!
Курай!» деп аттыг номнар делгелгезин
чонга көргүзүп, бараалгатканнар. Делгелгеде 40 хире Шагаага хамаарышкан номнар
салдынган.
Шагааныӊ
дугайында тыва, орус дылдар кырында номнарны, тыва чоннуӊ национал чемнериниӊ база оюн-мөөрейлернин дугайында солун, өөредиглиг
номнарны көргүзүп салган. Шагааныӊ байырлыг көрүлдезин көрүп келген чон
номнар делгелгезин аажок сонуургап көргеннер.
Оон
ыӊай ном саӊыныӊ ажылдакчылары тыва чоннуӊ үлегер домактарын өӊнүг, чараш саазында парлап каан бижиктерни чонга үлеп
таратканнар.
2020
чылдыӊ Шагаазынга салдынган номнар делгелгези көрүп келген чонга солун,
ажыктыг болганы чугаажок.
Ч. Монгуш, национал болгаш
чурт-шинчилел килдизиниӊ ажылдакчызы.