Тыва Республиканың А. С. Пушкин аттыг ном саңында сеткүүлдерни электроннуг хевирже киирер Оптима-А2 деп чаа бүрүн дериглелди эккелген. Бо чаа дериглелдиң ачызында ном саңы көктешкилиг солуннар болгаш номнарны сан-чурагайлыг арга-биле номчуурунга ажыктыг кылдыр үндүрер аргалыг болур. Ооң ачызында номчукчулар үжүк-бижии балалган, эргижирээн ном-сеткүүлдү, солуннарны чедимчелии-биле номчуп болур.
Бо чаа дериглелди А. С. Пушкин аттыг ном-саңы база Тыва
Республиканыӊ Библиотекалар каттыжыышкынынның «Эрткен үени ажытпышаан» деп
төлевилелди чедиишкинниг ойнап алганынның түңнелинде садып алган.
Ук төлевилел Тываның XX чүс чылда үнүп турган төөгүнүң
периодиктиг документ дептерлерин база культурлуг болуушкуннар, алдарлыг кижилер
дугайында үндүрүлгелерин сан-чурагайлыг кылдыр үндүрүп болур арганы берген.
Тываның Национал ном саңы сан-чурагайлыг үндүрүлге ажылын 2011 чылдан эгелеп кылып турар.
Бо хүннерде чаа дериг-херекселди ажылдаарынга
белеткел ажылы чоруп турар.
