Тыва
Республиканың Баштыңының 2016 чылдың январь 18-те үндүрген “Тыва дыл хүнүнүӊ
дугайында” база Тыва Чазактың 2017
чылдың апрель 7-де № 152 дугаарлыг “Тыва дылды 2017-2020 чылдарда сайзырадыр дугайында”деп
чарлыын барымдаалап, Тыва Республиканың Өөредилге болгаш эртем яамызы тыва
дылга тураскааткан “Улусчу диктант” айын чарлаан турган.
Республикада чылдың-на Тыва дыл хүнүн ноябрь 1-ниң
хүнүнде демдеглеп эрттирип турар.
Октябрь 29-та Тыва Республиканың А. С. Пушкин аттыг
Национал ном саңынга тыва дылга Улусчу диктант болуп эрткен. Ук хемчегге
Национал ном саңының ажылдакчылары киришкен, оларның аразындан 5 кижи
диктантыны бедик деңнелге бижээн: Любовь Чадамба, Чечек Монгуш, Оралмаа Момбулай,
Байлак Хомушку, Буян Ендан.
Национал ном саңының директору Ирина Алексеевна Эртине диктантыны
бижээн ажылдакчыларга байырлыг байдалга хүндүлүг бижиктерни тывыскан.
Кады ажылдап турар эштеривиске байырны чедирип тур бис!