Тываныӊ улустуӊ чогаалчызы Александр Александрович Даржайныӊ төрүттүнгенинден бээр 75 чыл харлаанынга тураскааткан эртем-практиктиг конференцияны Тыва Республиканыӊ чазааныӊ Тываныӊ гуманитарлыг болгаш социал-экономиктиг тускай шинчилелдер институдунуӊ чогаал сектору удуртуп эрттирген. А. С. Пушкин аттыг Национал библиотеканыӊ  чурт-шинчилел болгаш чогаал килдизиниӊ ажылдакчылары  «Тыным болган Тыва чуртум алгап-йөрээр, Дыка улуг кежик меӊээ таварышкан…» деп ном делгелгезин кылган. Эртем-практиктиг конференцияныӊ киржикчилери ном делгелгезин улуг сонуургал-биле көргеннер.