Тыва Республиканың А. С. Пушкин аттыг национал ном саңы «Мен ном саңында мен» деп чурук мөөрейин чарлаан.

Ук мөөрей 2019 чылдың июнь 1-ден август 15-ке чедир республиканыӊ чурттакчы чоннунуӊ (өөреникчилер, студентилер, башкылар база оон-даа өске) аразынга болур.

Мөөрейге киржир чуруктарныӊ негелделери:

–  чурук А. С. Пушкин аттыг ном саӊыныӊ кайы-бир килдизинге тырттырган болур ужурлуг;

–  чурукка – номга, номчуурунга ынак азы номга, ном саӊынга эки хамаарылга дугайында слоган немей бижээн турар ужурлуг;   

–  чуруктуӊ формады JPG, 10 Мб улгатпас;

–  чурукту автор боду тырттырган болур ужурлуг.

Мөөрейге киржир ажылдарны август 15-ке чедир ажыл-бүдүрүлге болгаш көдээ ажыл-агый килдизинге (Кочетова кудумчузу, бажыӊ 27) дужаар.

Мөөрейниӊ харыылсалгалыг ажылдакчызы Саяна Тулуш, тел.: 2-02-46, эл. адрези: proiz.otdel@yandex.ru .

«Мен ном саңында мен» деп чурук мөөрейинге идепкейлиг киржириӊерни кыйгырдывыс.

Мөөрейниӊ дүрүмнерин А. С. Пушкин аттыг ном саӊыныӊ сайтызындан база ВК социал четкиден көрүп ап болур.