Ноябрь
айның бирээниң хүнүнде 13 шактан 14 шакка чедир 2017 чылда кожууннуң төп ном
саңынга «Ыдыктыг үш үне - тыва дыл, чер-чурт, чон» деп тыва дыл хүнүнге
тураскааткан номчулга шагы болуп эрткен. Номчулга шагынче, тыва дыл хүнүн
демдеглеп эрттирери-биле, дыштанылга үезинде кадыкшыл «Алан-Тоос» бөлүүнге
дыштанып турар 8 хардан 15 харга чедир уругларны чалаан. Оларны удуртукчу
башкызы Монгуш Айланмаа Кууларовна үдеп, номчулга шагынга киришкен.
Уругларга
тыва дыл хүнүнүң тывылган төөгүзүн, тыва ном килдизиниң эргелекчизи Салчак
Раиса Дуроповна таныштырган. Тыва дыл хүнү биле уругларга байыр чедирип,
кожууннуң төп ном саңының эргелекчизи Лагба Людмила Дамбаевна сөстү алгаш,
«Чоннуң чоон оруу-биле..» деп Тываның бирги президентизи бооп ажылдап чораан,
көскү удуртукчу Ооржак Шериг-оол Дизижиковичиниң номунга тайылбырны кылган.
База төп библиотеканың ажылдакчызы Донгак Карим Кара-ооловичиниң «Ыдыктыг үш
үне - тыва дыл, чер-чурт, чон» тыва дыл хүнүнге тураскааткан литературлуг шүлүк
номчулгазын тыттырган видоепроектини уруглар кончуг сонуургал-биле көргеннер.
Монгуш Кара-Кат, Митей Дамырак, Оюн Александра тываның чогаалчылары: А. А.
Даржайның «Тыва дылым», З. Намзырайның «Дидимнерни сактып чор бис» база Н.
Кууларның «Дылым» деп шүлүктерин номчааннар. Номчулга шагынга шупту 24 кижи
киришкен.
