Апрельдиң 12-ниң хүнүнде Тываның А. С. Пушкин аттыг Национал ном саңының чурт-шинчилел килдизиниң ажылдакчылары Алефтина Кызыл-оол биле Чечек Монгуш Кызылдың 10 дугаар кадыының байдалы-биле кызыгаарлыг уруглар школазының 4 «А» клазының ɵɵреникчилеринге тыва эки турачылар, Совет Эвилелиниң маадырлары Т. Б. Кечил-оол биле Х. Н. Чургуй-оолдуң дугайында электроннуг презентация биле «Тыва эки турачылар» деп аттыг ном делгелгезин таныштырган. Уруглар хемчегге идепкейлиин көргүзүп, дыка сонуургааннар.   

Дефектолог-башкы Айлана Самдан библиотеканың ажылдакчыларынга солун болгаш ажыктыг хемчегни эрттирип бергенинге четтиргенин илереткеш, ɵɵреникчилерни моон-даа соңгаар шак мындыг хемчеглерже чалаарын дилээн.