1924 чылдыӊ август 13-те Тыва Арат
Республиканыӊ Барыын-Хемчик кожууннуӊ Даштыг-Хөлге төрүттүнген.
Кара-Хөлге чайлаг, Кызыл-Мажалыкка
эге-чада школазынга, өрт инспекторунуӊ курстарынга өөренип чораан.
Ажылчын базымын 1941 чылда Эми алдын уургайындан
эгелээн. Өрт шерииниӊ дайынчызы, инспектору бооп, Барыын-Хемчике садыг шугумунга раймаг эргелекчилеп, паспорт
столунуӊ даргазынга, Эрзин районнуӊ хереглекчилер ниитилелиниӊ, садыг эргелекчизинге,
Кызылдыӊ тудугларынга бызаӊчы, дашчы кылдыр ажылдаан.
Чогаал ажылынга 1942 чылда кирген.
Баштайгы шүлүктери «Шын», «Революстуӊ херели» сеткүүлдеринге парлаттынган. Ол
«Ажылчынныӊ ыры» (1968), «Часкы шинчи» (1972), «Кызыл дузаламчы» (1975),
«Мөӊгүн согуннар» (1979), «Авыралдыг Алдын Кушкаш» (1983), «Кыӊгыргай» (1991), «Ырым
– чалгын» (1996) деп номнарныӊ автору. Орус дылда «Ажылчынныӊ ыры» деп ному
чырыкче үнген.
Тыва Республиканыӊ Чогаалчылар
эвилелиниӊ кежигүнү.
«1941-1945 чылдарда Ада-чурттуӊ Улуг
дайынында Германияны тиилээни дээш», «1941-1945 чылдарда Ада-чурттуӊ Улуг
дайынында Тиилелгениӊ 50 чылы» деп медальдар-биле шаӊнаткан.