Сентябрь 19-та Тыва
Республиканың А. С. Пушкин аттыг национал библиотеказының национал болгаш
чурт-шинчилел чогаалының килдизинге Тыва Республиканың алдарлыг ажылдакчызы,
журналист, эртемден болгаш башкы М. С. Байыр-оолдуң 80 харлаан юбилейинге таварыштыр
«Журналист, башкы, этносоциолог» деп аттыг ужуражылга болуп эрткен. Ужуражылгага
Тываның күрүне университединиң «Психология» салбырының III-кү курузунуң сургуулдары болгаш
Кызыл хоорайның 2 дугаар ортумак школазының 10-гу клазының ɵɵреникчилери
келген. Шупту 28 сургуулдар болган.
Ужуражылга үезинде
киржикчилер М. С. Байыр-оолдуң бижээн номнары болгаш аңгы-аңгы
солун-сеткүүлдерге үнүп турган эртем ажылдары-биле танышканнар. Ужуражылга «айтырыг-харыы»
хевирлиг кылдыр болган. Сургуулдар сонуургаан айтырыгларын эртемденге салып,
солун харыыларны алган. Колдуунда эртем ажылын канчаар бижип эгелээрин
сонуургап айтырып турганнар.
Сургуулдар
ужуражылганың түңнелинде. эртемден М. С. Байыр-оолдуң дугайында билип, таныжып
алганынга ɵɵрүп турганнар.