Тываныӊ
бир дугаар хɵй-ниити ном-саӊыныӊ 5 чыл болган оюнга уткуштур ооӊ ажылдакчылары номчукчуларга Тыва Республиканың улустуң
чогаалчызы Ш. М. Суваӊ болгаш чогаалчы А. С. Ондар-биле солун ужуражылганы эртиргеннер.
Хөй-ниити ном саӊы 2014 чылдың сентябрь 1-де
Ш. В. Кара-оолдуң деткимчези-биле тургустунган. Бо библиотеканың тургустунарынга
ачы-дузаны кадып, үлүг-хуузун киирген деткикчилер: Тываның Ю. Ш. Кюнзегеш аттыг
ном үндүрер чери, К. И. Чуковский аттыг уруглар библиотеказы, Тываның «Алдын кушкаш»
уруглар сеткүүлүн болгаш оон-даа ɵске деткикчилерни бижип болур. Библиотеканыӊ
фондузунга Ю. Л. Аранчын – тɵɵгү эртеминиң эртемдээниниң хууда библиотеказының номнарын
ооӊ уруу белекке берген.
А.
С. Пушкин аттыг национал библиотеканың удуртукчузу Эртине И. А. деткикчилерге,
идепкейлиг номчукчуларга болгаш хөй-ниити ном саӊыныӊ бир дугаар ажылдакчызы К.
С. Монгушка, амгы ажылдакчызы С. И. Кызыл-оолга ɵɵрүп четтиргенин илередип белектерни
тывыскан.
Библиотеканың
доктаамал номчукчузу, уран-чүүл училищезиниң башкызы Томас Монгуш бодунуң репертуарындан
хɵгжүмнүг байырны күүсеткен.
Хɵй-ниити
ном саӊыныӊ 5 чыл оюнга тураскааткан хемчеглерниң адакталган ужуражылгазынга ТывКУ-нуӊ
филология салбырының сургуулдары улуг сонуургал-биле киржип, чалаттырган аалчыларга
сонуургаан айтырыгларын салып, идепкейлиг киришкеннер. Бо хемчегден сургуулдар боттарының
ɵɵредилгезинге хɵй-хɵй ажыктыг чүүлдерни болгаш шиңгээдип алганнар.